Ba Tum aur Main

samasya hain ki kum hone ka naam leti nahin
par tu hai toh koi kumi khalti nahin
duniyadari mein, befazul ki baaton mein  mera mann lagta nahin
kyunki har dum tere khayalon mein jo khoya rehta hoon
par chaahe lakh inzhaar karun apne sache pyar ka
tu hai na kambhaqt yakeen hota nahin
tu hai toh main hoon
itni se baat bhi samjh paayi nahin
hum kyun waqt zahya kare gile-shikvo mein
jab mujhe sirf tum chahiye aur kuch bhi nahin
chalo na wahan jate hain,
jahan koi sataye nahin
tanhai tadpaaye nahin
bas tu aur main
aur bachi khamoshi......

Badti Umar ka Asar

jab budapa dene lage dastak darwaze par
samjh lena tumhe akal aa gayi

bewajah tum pyar karne lagoge
shikayaton se door hatne lagoge
chote-mote kaamo befazul ke kaamo mein khushi talashane lagoge
behtar ko behtarein karne lagoge

sir ke baal jab jhadne lage
wazan jab ghatne lage
chaar kadam chalne par he sans jab foolne lage
jab yunhi mann kuch gungane lage
aur dil jasbaton se sochne lage

zaruratein tumhe kum lagne lagengi
har pal mein nayi zindagi jeene lagegi
chehre par jhuriyan padne lagengi
lakirein hathon ki feinki padne lagengi


bematalb ki ladai mein tumhara mann kum lagne lage
dada-daadi, nana- naani ki kilkariyan kaano mein gujne lage
ishwar nahin, par aatma par vishvas badne lage

is behtar hoga kya?
kyun hai na mere yaar?
mat dekh budape ko kamzoori ki nazaron se yeh bhi ek daur hai, iska jum ke maza leh!

Ek BaatChit apni Dost se Uske baare mein

tum toh mujhe bachpan se he janti ho
meri nadaniyan, meri galtiyon pe parde daalte ho
mere unkahe raaz bhi pehchanti ho
aur fir bhi mujhe dil se apna dost manti ho

tum kehna kya chahti ho?
yeh kaviyon ke saleeke chhodo aur kehdo jo bhi kehna chahti ho

haan toh suno itne waqt se humne ache se baat nahin ki hai
kya tumhe is baat ka koi shak nahin hai ?

nahin, mujhe maloom hai ki hum kahe na kahe dost toh rahenge
yunhi ek dusre ki khamoshi padte rahenge

tum yeh janti ho ki pyar ke mamle mein mera hath humesha se he tang raha hai
logon ko pehchanne mein yeh dil humesha se he kamzor raha hai
yeh sach hai ki mujhe duniyadari ki kuch samjh nahin
ab kese samjhao mujhe kuch khabar nahin
tum toh janti he ho ki tumahari dost ko zara si bhi akal nahin

woh toh tum bachpan se he aisi ho
ab batao kya haal hai? tum kese ho?

haal? mera haal kuch thek nahin hai
samjhne ki jitni koshish karo utna he samjh se pare hai
ek anjahan hai toh meri tarefein karta thakta nahin
deevano sa pyar karne se darta nahin
haan thoda besabre sa hai woh
par kuch alag sa hai woh

main janti hoon ki ab tum kahoge ki ladke toh hote he aise hain
kambhaqt dil fek ashiq pyar kiton se karte hain
pr mujhe ek sapne sa maloom hota hai
ek haseen sapna jise khona asan nahin hota hai
ek sapna jisse main shayd he ubharna chahun
woh nazuksa jise chhu dene bhar se shayd khud ko he chot pahunchao

haan mujhe usse pyar hone laga hai
par mere kaal ateet ka darr mujhe chhodta nahin hai
bahot mushkilon se sambhal paayi hoon main
fir se barbad hone ki meri koi chahat nahin
is duvidha ka mere pass toh koi hal nahin

woh sapne sa hai asaliyat se bilkul pare
ab tum he batao kya kare?

A letter to Mah Unrequited Love

kya main tumse kuch keh sakti hoon
ki tumhare bina main nahin reh sakti hoon
par in sabka fyada kya hai?
yahan pyar ka kayda kya hai?
woh smjhaate- smjhaate thak gaye hain
tumhara khayal hai ki jaata nahin hain
tum toh nahin ho fir kyun tumhari yaad mujhe chhodti nahin
tumne toh thukra dia hai fir kyun mujhe tadpate tum thakte nahin
kai tareeke maine apnaye
par aisi koi siyahi nahin jo tumhara naam mita paaye
jab yeh dard uthata hai toh kum hota nahin
laiilaj bimari hai, is marz ki koi dava nahin
tumne jo sath chhod dia  hai
maine bhi zidd mein jeena chhod dia hai
kab tak yunhi shikayte karti rahungi
ghut-ghut kar yunhi hasti rahungi
andar he andar bas marti rahungi
intezaar ne hadd kar di hai
aur imtehaan hain ki khatam hote nahin hain
sabit kar-kar main thak gayi hoon
tumhe kya pata kitne maute mar gayi hoon

par tumhe kya, tum khush rehna apni zindagi mein
safalata ki bundeliyan hasil karna zindagi mein
mera kya hai, kal hoon, aaj nahin
ya shayd hokar bhi nahin

mujhe pata hai ki tumhe kuch aur chahiye
kuch aur main nahin de sakti
par mujhe sirf tum chahiye
kyunki main tmhare bina reh nahin sakti

Pyar

chand tak-taki laga kar 
khidki par 
sunta hai uske geet 
woh jo khayalon mein khoyi rehti hai din bhar 
jhalli jise waqt ki khabar nahin 
koi ata- pata nahin 
neend jisse roothi hui hai 
taaron ko gini hai 
nadiyon se batiyati hai 
na jaane aaj kal khud se he muskarati hai 
pyar hai pagli jab kehti hai chandni 
toh ghunghta kiaad mein sharam se laal ho jaati hai 

Dreamless

remember the time when you had dreams 
when you believed you could be something 
when you could fly into the sky 
spreading your wings, 
aspirations soaring wildfire
the time when you could be anything 
and these days when they ask me 
what do you wannabe 
i am lost 
thinking hard of what my answers shouldn't or should be 
priority to what other's think, their wishes 
denying my own dreams 
is being ideal suffering under the load of expectations?
the rage of living keeps on ruling onto me 

the times when i sued to dream
when life was equal to easy 
today i feel distress 
and a dark hole 
where somewhere my passions used to beat 
my obsessions, my crazy fucking obsessions
swallowed my hunger and subtly 

flawed, a dark hole
where it used to beat 
and now 1, 2, 3 
all is DEAD 

  

Sardi ka Mausam

jab sans ka gubbara dhuan hone lage
jab dil mein tumhare koi aag si sulagane lage 
shishe mein nami jamne lage 
aur bache naam likhne lage 
arman kuch jalne lage 
thnadi hawayein chalne lage 
aur padosi hearter ki shikayate karne lage 
jab hatheleyan yunhi jebein tatolane lage 
aur pyar har aur mehakane lage 
mera dil jab tumari he aahein bharne lage 
aur koi tadap tumhare dil mein uthne lage 
phool jab kisi baat par ruthne lage 
aur gaadi jab us se sajne lage 
daulat ki chat jab kuchon mein bikne lage 
saundhi khushboo gajrele ki jab yunhi mehakane lage 
aur rangeen botle apne aap he kholne lage 
jab tumhare kisse kahanyon mein woh dobne lage 
jab kohre kagaz chidane lage 
jab thanda bistar satane lage 
jab meri duniya tum mein basne lage 
aahatein jab tumhe uksane lage 
toh chaukhat par tumhare chaahe main na bi hoon
par sardi ka mausam dastak de chuka hoga.....